Në qoftë se dëshironi të zbuloni nëse partneri ose partnerja janë të tërhequr seksualisht pas jush, atëherë mjafton të përqendroni vështrimin tek sytë e tij/saj.
Sipas një studimi më të fundit, theksohet se dëshira seksuale lexohet qartazi tek bebja e syrit të çdo njeriu, e cila zmadhohet kur partneri ose partnerja janë të tërhequr seksualisht.
Për herë të parë ky studim, i realizuar nga një universitet amerikan, shpjegon se në syrin e njeriut lexohet qartazi edhe shpirti i tij.
Shkencëtarët për të arritur në këtë konkluzion, kanë përdorur një lente speciale me rreze ultra të kuqe për të matur ndryshimet e dimensionit të bebes së syrit të disa kandidatëve, të seleksionuar për të marrë pjesë në këtë studim, duke u treguar filma erotikë.
Në këtë mënyrë, shkencëtarët kanë mundur të analizojnë tendencat e tyre seksuale dhe të shohin ndryshimin e bebes së të syrit në secilin rast.
Drejtuesi i këtij studimi, shprehet se në përfundim është vërejtur se bebja e syrit tek këta meshkuj është zmadhuar kur ata ishin duke parë filma erotikë me protagoniste femërore, ndërsa në filmat erotikë ku protagonistë ishin meshkujt, bebja e syrit nuk ka ndryshuar.
Posted in:
0 comments:
Post a Comment